ပြန်ပြောပြဖို့ ခက်နေတယ်

ခဏခဏ ပြုံးမပြပါနဲ့လား
အခါခါ ရင်ခုန်မှု အောက်မှာ
ငါရုန်းမရနိုင်တော့ဘူး ..
အလွမ်းစက်ကွင်းထဲက
ရုန်းထွက်ဖို့ ကြိုးစားလေ
မင်းအပြုံးတွေ ချည်နှောင်ထားလေပဲ ..
မဆုံချင်ဘူးဆိုတဲ့ အသိတွေက
ဆုံဆည်း ချင်တဲ့ နှလုံးသားကို
လွန်ဆန် မရတာ
ငါ့ကိုယ်ငါတောင် မယုံနိုင်ဘူး
ပြန်ပြောပြတော့ ခက်လိမ့်မယ်
ငါမင်းကို ဘယ်လောက်ချစ်မိသွားလဲ
ဆိုတာ ..
မင်းအသက်ရှူသံလေးက အစ
ငါတယောက်တည်း ကြားခွင့်ရချင်နေတာ
ငါ့ကို ခွဲသွားမှာလား ?
စိုးရိမ်စိတ်တွေ နဲ့ ဖြတ်သန်းနေခဲ့တာ
အအိပ်ခက်တဲ့ ညပေါင်းများစွာ ..
ခေါင်းအုံးလေးတော့ သိမှာပါ ..
ဘယ်အရာမှ မရေရာဘူးဆိုတဲ့
လောက ကြီးမှာ မင်းကို ချစ်တာတော့
သေချာသွားတယ် ..
ပြောခွင့်မရတော့ရင်တောင်
မင်းအိပ်မက်ထဲ လာလာပြောပြမယ်
မင်းက နှစ်ခြိုက်စွာ အိပ်ပျော်နေပေးပါ
ချစ်သူရယ် .. !

နဲနဲလေးတော့ ခံစားပေးပေါ့

သက်ပြင်းလေးတွေ ခိုးခိုးချ
စိုးရိမ်နေခဲ့မိတာ
ဆုံးရှူံးလိုက်ရမှာ
တခုတည်းပါ ..

မင်းနဲ့ ဆုံပြီးတိုင်း
မနက်ဖန် ဆိုတာ
အလွမ်းတွေ ချည်းပဲ မဟုတ်လား

မြင်လည်းလွမ်း
မမြင်လည်းလွမ်း
နေရင်းထိုင်ရင်းလွမ်းတယ်ဆိုတာ
ငါ့အသက်ရှူသံတိုင်းပါပဲ

ယုံ .. လို့တော့
မတိုက်တွန်းလိုဘူး
စိတ်ကူးတွေထဲမှာ
အမြဲရှိနေသူပါ ..

လှမ်းမလာပါဘူးဆိုတဲ့
ငါ့ခြေလှမ်းတွေကတော့
အလွမ်းတစ်ရာမက
စိုးမိုးထားခဲ့တာပါ ..

ဒါပေမယ့်
စွန့်လွှတ်နိုင်တဲ့ သူရဲကောင်းတော့
ကိုယ် ... မဟုတ်ဘူး

ပေးဆပ်နေမှုတိုင်းအတွက်
မင်း ဆွေးတတ်နေစရာမလိုပါဘူး
မင်းကို အတွေးမခက်စေအောင်လည်း
အေးအေးစေးစေး လေးပဲ
ချစ်ခဲ့တာ

နွေးနွေးထွေးထွေး လေးဖြစ်အောင်တော့
ခပ်ရေးရေးလေး ခံစားပေးပေါ့
ချစ်သူရယ် ...

တွေဝေနေမှာလား ..မောင်

အနမ်းပင် မပျိုးလေနဲ့
အလွမ်းပင်တွေ
ရိုးမယ်ဖွဲ့မှာစိုးတယ်
နွမ်းရက်တွေ မရှည်ကြာလိုဘူး မောင်

လေအဝှေ့မှာ ကြွေဆင်း
ခရေလေးတွေ မြင်တတ်ခဲ့ရင်
ခြေနင်းလို့ သွားလေမလား
ရင်မအေး တဲ့ ဘ၀မျိုး
တကြိမ်တခါ .. မောင်များ
ကြုံဖူးလေသလား

တသက်တခါ ခုန်ဖူးတဲ့ ရင်
တစုံတရာ ထူးခြားမလာဘူးဆိုရင်တောင်
ရူးသွားလောက်အောင်
ချစ်ဖူးသွားတာပါ .. !

မောင်က .. ခံစားချက်တွေ
ကျောခိုင်းနေတတ်သူလား
နားမလည်သူလား
ရင်ပူအောင် တွေးခဲ့ရသူပါ

တကယ်တမ်း ဝေးကြမယ်ဆို
နှုတ်ဆက်မလေနဲ့တော့
ကျမမျက်ဝန်းတွေ
မိုးစွေ နေမှာစိုးတယ် ..

ထွက်မသွားပါနဲ့လို့ မတားရက်ဘူး
ပြန်လာမှာကိုတော့ မျှော်လင့်မိသူပါ
လွမ်းသူ့ ခေါ်သံတွေကြား မှာ
မောင်တယောက် တွေဝေနေဦးမှာလား ...

နွေပြီးရင်နွေ

ရင်ထဲမှာ
ချုံးပွဲချငိုနေပေမယ့်
အပြုံးတွေ နဲ့သာ
ဖုံးကွယ် ထားခဲ့တာ
ငါဟာ .. မင်းရှိနေတဲ့
လောကကြီးကို လိမ်ညာချင်ခဲ့လို့ပါပဲ ..

မာနတွေကို
လှပစွာ ပန်ဆင်ခဲ့ပေမယ့်
ငါ့အလွမ်းတွေက တော့
ဟန်ပြင်ချိန်တောင် မရခဲ့ဘူး

တကယ်တော့
ငါ့အနားမှာ မင်းရှိနေပါမှ
ဆောင်းနှင်းစက်တွေ ကြွေ
ပုရစ်ဖူးတွေ တကယ်ဝေခဲ့တာ

နင်မရှိတော့ ငါ့ဘ၀က
နွေဟာလည်း ..နွေ
မိုးဟာလည်း .. နွေ
ဆောင်းဟာလည်း .. နွေ ပါပဲ

ကြေကွဲစရာ အတွေးတွေနဲ့
ဆွေးမြည့်စွာ ပြုံးနေတတ်သူ
ငါ .......
လောကကြီးမှာ နေသားတကျ
ဖြစ်ပြီးသားပါ ...

ကြည့်တိုင်းမြင်
မျှော်တိုင်းလွမ်း တယ်ဆိုတာ
ငါ့စိတ်ရဲ့ သဘာဝတရားပဲ
မဟုတ်လား

ရင်ထဲမှာလဲ ထွေထွေ ထူးထူး
မြူးမနေချင်တော့ပါဘူးကွယ်!

ပုံသေ

နွေဟာ ..... နွေပဲ
မိုးဟာ ... မိုးပဲ
ဆောင်းဟာ ... ဆောင်းပဲ
မပြောင်းလဲပါဘူး ... မောင်

ပေးဆပ်နေမြဲ
ဆွေးတတ်နေဆဲ ..
အအိပ်ပျက်နေလည်း
မမုန်းရက်ခဲ့ပါဘူး ... မောင်

အိပ်မက်ထဲလည်း ရောက်မလာ
ပုံရိပ်လေးတောင် ဖျောက်ကာထားသူ
ဒီအပူတွေ လွန်ဆန် မရသူအကြောင်း
ခေါင်းစဉ် မတင်လိုတော့ပါဘူး

သက္ကရာဇ်တွေ ပြိုနေသည်နှင့်အမျှ
ရင်ခွင်က ငိုလို့နေသူ အကြောင်း
တစေ့တစောင်း တောင်
မောင် မတွေးတတ်တာ .. ယုံကြည်ပြီးသားပါ။

အလွမ်းငွေ့တွေ
လေပြေတွေတောင် သယ်ဆောင်ခွင့်
....... မပေးခဲ့ဘူး
မောင်အသက် ရှူမ၀မှာ
တွေးပူတယ်

မိုးပဲသဲသဲ နှင်းပဲဖွဲဖွဲ
ုမြူပဲဝေေ၀၊ အမြဲတစေ
တွေဝေနေတတ်ခဲ့သူပါ
တခါတရံသာ ရောက်လာတတ်ပေမယ့်
ကျမကတော့
အချိန်မှန် လွမ်းနေတတ်သူပါ ..
မောင် .. !

စစ်ကင်းတဲ့ မြေပြင်

မင်း .... က
ငါ့ရှေ့ကို ရောက်မလာတတ်တော့ပေမယ့်
ငါ့ရင်ထဲမှာ တော့
ထာဝရ နေရာယူခဲ့သူပါ ..



အဖြူရောင်သံရောဇဉ်တွေ
ငါဆေးဆိုးခဲ့တာ မဟုတ်ပါဘူး
မတော်တဆ
စွန်းထင်းသွားခဲ့တာပါ ..

ငါ့မျက်ဝန်းတွေက မင်းအပြုံးလေးကို
မက်မောတယ်
ငါ့နားတွေက မင်းစကားသံလေးကို
တပ်မက်တယ်
ရိုးရိုးလေးပဲ ချစ်ခဲ့တယ် ..

သိုဝှက်ထားခြင်းတွေ
အရာမ၀င်တော့ဘူးဆိုလည်း
ငါ့အချစ် .. အလွမ်းတွေ
ခြေရာထင်ဆဲပါ ..
ချစ်ခြင်းတရားဆိုတာ တွေ့ဆုံနေမှ
တည်မြဲတာ မဟုတ်တာပဲ ..

ချစ်သူရယ် ...
မုန်းချင် မုန်းပါ
မပုန်းပါနဲ့
ငါဟာ နင့်ရဲ့ရန်သူမှ မဟုတ်တာပဲ ...

မင်းအတွက်ဆို
ငါ ...................
လက်နက်ချပြီးသားပါကွယ် ... ။

မင်းအနားနား နေပေးပါ

မင်းအပြုံးတွေက
ငါ့ကို တကယ်ပဲ ကြည်နူးစေသလို
မင်းမျက်လုံးတွေ က
ငါ့ကို တကယ် ရင်ခုန်စေတယ်

မင်းအနားရှိချိန်လေးတွေ
ငါ့ စိတ်ကလေး အေးချမ်းနေသလို
မင်းနဲ့ ဝေးချိန်လေးတွေ
ငါ ဆွေးနေတတ်တယ်

မင်းစကားသံလေးတွေ
ငါ့အတွက် အားဖြစ်စေခဲ့တာ
မင်း .. ကိုတော့ ငါ ပြောပြမိတော့မှာ
မဟုတ်ပါဘူး ....

ငါပျော်နေဖို့ နင့်ကို ငါ့အနားမှာ
ခေါ်ထားသင့်သလား
နင်စိတ်ချမ်းသာဖို့ နင်လိုရာသွားခွင့်
ပေးလိုက်ရမှာလား
လွန်မဆွဲချင်ပေမယ့်
ငါ့ရင်ထဲမှာ ဒွန်တွဲနေခဲ့တယ် ..

မတွေးဘဲလည်း ရင်ထဲမှာ
ခပ်ရေးရေး အမြဲရှိနေတယ် ..

ဝန်ခံခွင့်တွေ မရလည်း
ငါဝန်ခံပါရစေ ..
အတွေးတောင် မဝေးရဲပါဘူး
ငါနင့်ကို ချစ်နေတာ
ချစ်တယ် ဆိုတဲ့ စကားနဲ့ တင်
ငါ့ခံစားချက်တွေ မလုံလောက်နိုင်တော့ဘူး ..

ငါတကယ်ဆုတောင်းမိတယ်
နင်ဟာ ....
မပြောဘဲ ကြားသူ
မမြင်ဘဲ သိသူ သာ ဖြစ်ပါစေတော့
ပြောပြခွင့် မရှိတဲ့ ငါ့ခံစားချက်တွေ
နင့်ကိုပဲ ကြားစေချင်နေသူမို့ပါ

မြိုသိပ်ထားရတဲ့ အချိန်တွေ
နှစ် ၊ လ ၊ ရှည်ကြာနေပါပြီ
မင်းအတွက် အပမ်းမကြီးဘူးဆိုရင်
ငါ့အလွမ်းတွေကို
အဆုံးသတ်ပေးပါလား
ချစ်သူရာ ...